మొగలిరేకులు (మంజులానాయుడు సీరియల్) ఆర్.కె.నాయుడు గుర్తున్నాడా? బుల్లి తెర అభిమానులకు కొన్ని సంవత్సరాలు ఓ పవర్ ఫుల్ హీరోగా కనిపించిన ఇతను (సాగర్) ఇటీవల బుల్లితెరమరుగయ్యాడు. కారణం ఊహించుకోవచ్చు. మొగలిరేకులులో ఓ సినిమా హీరో క్రేజ్ తెచ్చుకున్న సాగర్ మిస్టర్ పర్ఫెక్ట్ లో ఓ చిన్న పాత్రలో కనిపించి, ఇప్పుడు వెండి తెర మీద హీరోగా కనిపించబోతున్నాడు. సాగర్, రాగిణి నంద్వాని జంటగా రామధూత క్రియేషన్స్ పతాకంపై దయానంద్‌రెడ్డి దర్శకత్వంలో దాసరి కిరణ్‌కుమార్ రూపొందిస్తున్న చిత్రం సిద్ధార్థ. ఈ చిత్రానికి సంబంధించిన తొలి షెడ్యూల్ మలేషియాలో పూర్తిచేశారు. ఈ సందర్భంగా నిర్మాత మాట్లాడుతూ యాక్షన్ నేపధ్యంలో లవ్ సెంటిమెంట్ ఎంటర్‌టైనర్‌గా ఈ చిత్రం సాగుతుందని, కథకు నటుడు సాగర్ ఖచ్చితంగా సరిపోయాడని, ఆయన నటన హైలెట్‌గా నిలుస్తుందని తెలిపారు. తమిళం, మలయాళంలో మంచి పేరున్న రాగిణికి తొలిసారిగా తెలుగు అవకాశం ఈ చిత్రంలో లభించిందని, ఫ్యామిలీ డ్రామా కావడంతో అన్ని వర్గాల వారికి నచ్చుతుందని తెలిపారు. మలేషియా, కౌలాలంపూర్, మలాకా తదితర ప్రాంతాల్లో 22రోజులపాటు షూటింగ్ చేశామని ఆయన అన్నారు. ఈనెల మూడోవారంలో తదుపరి షెడ్యూల్ ప్రారంభించి సినిమా పూర్తిచేస్తామని అన్నారు. సుబ్బరాజు, రణధీర్, బెనర్జీ, పూజారామచంద్రన్, కిషోర్‌దాస్, సుధీర్ తదితరులు నటించిన ఈ చిత్రానికి కెమెరా: ఎస్.గోపాల్‌రెడ్డి, సంగీతం: మణిశర్మ, పాటలు: అనంత్‌శ్రీరామ్, మాటలు: పరుచూరి బ్రదర్స్, ఎడిటింగ్: ప్రవీణ్‌పూడి, నిర్మాత: దాసరి కిరణ్‌కుమార్, స్క్రీన్‌ప్లే, దర్శకత్వం: దయానంద్‌రెడ్డి.
.jpg)
