బాహుబలికి బాకా ఊదిన వర్మ???

ఇప్పటి వరకూ వర్మ నిర్మొహమాటంగా విమర్శించడం చూశాం,... కానీ ఇటీవల కాలంలో బాగా బాకా బాబుగా మారారు. సినిమా బాగుంది... చాలా బాగా యాక్ట్ చేశాడు. అంటే ఒకే... కానీ నాన్నకంటే బాగా చేశాడు... తాతకంటే బాగా చేశాడు... వీళ్ళమీదకు ఆ పెద్దోళ్ళేం పనికొస్తారు? అంటూ ఓవర్ పొగడ్తలెందుకో అర్థం కాదు. ఇప్పుడు బాహుబలికి ఏకంగా 100 కు ఐదువందల మార్కులు వేస్తాడట... ట్విట్టర్ లో తన అభిప్రాయాలను వెల్లడి చేస్తూ మరో సంచలనం రేపాడు రాంగోపాల్ వర్మ. ఇండియన్ ఇండస్ట్రీని పై స్థాయికి తీసుకెళ్లే విధంగా ఈ సినిమాను రాజమౌళి తెరకెక్కిస్తున్నారని అభిప్రాయం సోషల్ మీడియా ద్వారా అభిప్రాయ పడ్డారు. ఎన్నో సక్సెస్ లు అందించిన ఈ దర్శకుడు కూడా బాహుబలి ట్రైలర్ పై పాజిటివ్ గా స్పందించారు. బాహుబలి’ ట్రైలర్ ను వీక్షించిన అనంతరం వర్మ ట్వీట్ చేస్తూ.. ‘ఇంటర్నేషనల్ స్కేలు ప్రకారం బాహుబలికి 100కు 70 మార్కులు.. ఇండియన్ స్కేలు ప్రకారం 100కు 500 మార్కులు’ వేశాడు. ఇండియన్ సినిమాను ఇంటర్నేషనల్ స్థాయికి తీసుకెళుతున్నందుకు రాజమైళికి థాంక్స్ చెప్పాడు. సినిమాకు ఎంత ఖర్చు అయ్యింది... తిరిగి రాబడతామా అనేది ముఖ్యం కాదు... ఇండియన్ సినిమాకు ఇది తాజ్ మహల్ లాంటిదని అభివర్ణించారు. దశబ్దాల పాటు నిలిచిపోయే సినిమా’అని అన్నాడు. అనంతరం ‘ఎపిక్ సినిమాల్లో బాహుబలి న్యూ చాప్టర్ లాంటిది’ అంటూ పొగడ్తలతో ముంచారు బాహుబలి సినిమానూ, దర్శకుడు రాజమౌళిని.