ఓవర్సీస్ లో వరుణ్ ఆకట్టుకుంటాడా?

అంతకు ముందు ఓవర్సీస్ లో మహేష్ బాబు సినిమాలు బాగా కలెక్షన్లు రాబట్టాయి. బాహుబలి సినిమా తరువాత మహేష్ సినిమా కలెక్షన్లను బీట్ చేసి మొదటి స్థానంలో నిలిచింది. అయితే ఈ మధ్య అన్ని తెలుగు సినిమాలు ఓవర్సీస్ లో  రిలీజ్ చేసే ట్రెండ్ మొదలైంది.  భలె భలే మగాడివోయ్ సినిమా కూడా ఓవర్సీస్ లో అదిరిపోయే కలెక్షన్లు రాబట్టుకుంది. దీంతో మెగా ఫామిలీ మెంబర్ సాయి ధరమ్ తేజ్ సుబ్రహ్మణ్యం ఫర్ సేల్ రిలీజ్ చేశారు. కానీ అక్కడ ఈ సినిమా కలెక్షన్లు రాబట్టుకోలేక పోయింది. ఇప్పుడు బ్రూస్ లీ సినిమా కూడా ఇంతవరకూ ఏ తెలుగు సినిమా రిలీజ్ చేయనన్ని స్క్రీన్ లలో రిలీజ్ చేసింది. కానీ ఈ మెగా హీరో సినిమా కూడా అక్కడ బోల్తా కొట్టింది. ఇప్పుడు వరుణ్ తేజ్ కంచె సినిమాను రిలీజ్ చేయడానికి సిద్ధమయ్యారు. మరి కంచె సినిమానైనా ఆదరిస్తారో లేదో. దీన్ని బట్టి ఓవర్సీస్ లో మెగా ఫామిలీ హవా లేనట్టే కనిపిస్తోంది. 
వరుణ్ తేజ్ హీరోగా క్రిష్ దర్శకత్వంలో తెరకెక్కుతున్న ‘కంచె' చిత్రాన్ని 130కి పైగా స్క్రీన్లలో విడుదల చేయాలనుకుంటున్నారు. వాస్తవానికి అక్టోబర్ 2నే విడుదల కావాల్సిన ఈ చిత్రం అనుకోని కారణాలతో నవంబర్ 6కు వాయిదా పడింది. అయితే అఖిల్ సినిమా వాయిదా కారణంగా దసరా రోజున రిలీజ్ చేస్తున్నారు. ఈ సినిమా రెండో ప్రపంచ యుద్ధం నేపథ్యంతో తెరకెక్కుతున్నది కావడంతో ఈ కథ ఓవర్సీస్ ప్రేక్షకులను ఆకట్టుకుంటుందేమో వేచి చూడాలి.