ఉషా ఉతుప్ తో గళం కలిపిన వెంకీ, బాలయ్య

సినిమా ఫంక్షన్ లంటేనే ప్రేక్షకులకు చాలా క్రేజ్... సినిమాలో వాళ్ళను చూడ్డం వేరు... ఆఫ్ ది స్క్రీన్ వాళ్ళను చూసుకోవడం వేరు. అందులో సైమా అవార్డ్స్ అంటే సౌత్ సినిమా తారలంతా ఒకే వేదికపై దర్శన మిస్తారు. అంత మంది స్టార్లను ఒకేసారిగా చూడ్డం ప్రేక్షకులకు కన్నుల పండుగ. అయితే ఈ సైమా అవార్డుల కార్యక్రమంలో తెలుగు సినీ తారలు రెండు రోజులకు ముందే అక్కడికి చేరుకున్నారు. ఇక మొదటి రోజున హీరోయిన్లు ఒకరికి మించి ఒకరు స్టైలిష్ డ్రెస్సుల్లో తళుక్కున మెరిస్తే... హీరోలు హుందాగా సూట్లలో దర్శనమిచ్చారు. ఈసారి జరుగుతున్న సైమా అవార్డుల వేడుక నాలుగవది కావడం విశేషం. అంగరంగ వైభవంగా జరిగిన ఈ వేడుకలో తెలుగు సినీ తారలు ఉల్లాసంగా కార్యక్రమాలలో పాల్గున్నారు.  విక్టరీ వెంకటేష్ నందమూరి బాలకృష్ణ కలిసి ఉషా ఉతుప్ తో స్టేజ్ మీద పాటలు పాడి చిన్న సైజు స్టెప్పులు వేశారు. వీరికి తోడుగా నటి కుష్బు, హాట్ బ్యూటీ శృతిహాసన్ జతకట్టడం విశేషం.  మూవీ మొఘల్ రామానాయుడు గారి జ్ఞాపకార్ధం విడుదల చేసిన జ్ఞాపికను రానా నాగ చైతన్య అందుకున్నారు.  వివిధరంగాలలో బాలకృష్ణ రాశీఖన్నా బ్రహ్మానందం చంద్రబోస్ సుజీత్ థమన్ లు పురస్కారాలు అందుకున్నారు. అయితే ఇక్కడకు వెళ్ళిన ఇప్పుడిప్పుడే ఎదుగుతున్న చిన్న ఆర్టిస్టులను మాత్రం అక్కడి నిర్వాహుకులు చిన్న చూపు చూశారంటూ సంపూర్ణేష్ బాబు ట్విట్టర్ లో పేర్కొన్నాడు.