వెంకీ-మారుతిల సినిమా డిసెంబర్ లో

వెంకటేష్ గోపాల గోపాల సినిమా తరువాత గ్యాప్ దాదాపు పది నెలలు గ్యాప్ తీసుకున్నారు. మొదటి నుంచీ వెంకీ తన సినిమాల కథల ఎంపిక ఆచీ తూచీ చేస్తుంటారు. అయితే ఎన్నో డైనమిక్ సినిమాలు చేసిన వెంకీ నువ్వు నాకు నచ్చావ్ లాంటి కామెడీ ఎంటర్ టైన్ మెంట్ల తరువాత ‘గణేష్’ ‘ఘర్షణ’ వంటి సినిమాలు రావడం లేదు. అన్నీ కామెడీ టచ్ ఉన్న సినిమాలనే చేస్తూ పోతున్నారు. మధ్యలో షాడో అనే సినిమా వచ్చినప్పటికీ అది సక్సెస్ కాలేదు. అంటే డైనమిక్, మాస్, యాక్షన్ ఎంటర్ టైన్మెంట్ సినిమాల జోలికి ఆయన వెళ్ళడం లేదా? జనాలకు ఆయనపై కామెడీ హీరో ముద్ర పడిపోయిందా? అనే డైలమాలో ఈ హీరోకు సినిమాల ఎంపిక కష్టపోతోంది.
    అయితే ఇప్పుడు సక్సెస్ డైరెక్టర్ మారుతి డైరెక్షన్ లో వెంకటేష్ ఓ సినిమా చేయబోతున్నారు. గతంలో వీరిద్దరి కాంబినేషన్ లో రాధా అనే సినిమా అనుకున్నారు కానీ కొన్ని కారణాల వల్ల ఆ సినిమా ఆగిపోయింది. ప్రస్తుతం మారుతి వెంకటేష్ కోసం మరో డిఫరెంట్ స్టొరీని సిద్దం చేసి, పూర్తి స్క్రిప్టు రెడీ చేసే పనిలో ఉన్నారు ఈ సినిమాని డిసెంబర్ లో సెట్స్ పైకి తీసుకెళ్ళడానికి రంగం సిద్దం చేస్తున్నారు. అలాగే ఈ సినిమాలో వెంకటేష్ సరసన అందాల భామ నయనతార జోడీ కట్టనుంది. నయనతార ఇటీవలే తమిళంలో వరుసగా బ్లాక్ బస్టర్స్ అందుకుంటోంది. అలాగే వెంకీ – నయనతార కాంబినేషన్ లో కూడా తులసి,  లక్ష్మి చిత్రాలు హిట్ కావడంతో ఈ కాంబినేషన్ ని మళ్ళీ రిపీట్ చేస్తున్నారు. సురేష్ బాబు నిర్మించనున్న ఈ సినిమాకి సంబందించిన పూర్తి వివరాలను త్వరలోనే అధికారికంగా తెలియజేయనున్నారు.