శ్రీమంతుడు బాహుబలిని మించి పోతున్నాడా?

వార్తల్లో బాహుబలికి ఉన్నంత క్రేజ్ శ్రీమంతుడుకు లేదనే చెప్పాలి. దీని ఫస్ట్ లుక్ సినిమా మొదలు పెట్టిన ఎన్నాళ్ళకు విడుదల చేశారు. దీని గురించిన చర్చోపచర్చలు ఏ స్థాయిలో ఉన్నాయి? అనేది ప్రేక్షకులకు బాగా తెలిసిన విషయం. బాహుబలి టీజర్ మే 30న విడుదల చేస్తే, శ్రీమంతుడు టీజర్ మే 31 ఉదయం విడుదల చేశారు. అంటే 12 గంటల తేడా అనుకోవచ్చు. కానీ రెండిటికీ వ్యూవర్స్ తేడా రెండు లక్షలు మాత్రమే. జూన్ 1 సాయంత్రానికి బాహుబలి వీక్షకులు 10 లక్షలమందయితే, శ్రీమంతుడు టీజర్ ను 8 లక్షల మంది వీక్షకులు చూశారు. రెంటికీ 12 గంటల తేడా... మరి ఈ లెక్కన రెస్పాన్స్ శ్రీమంతుడికి కూడా టాప్ రేంజ్ లోనే వచ్చింది. జూన్ ఒకటి సాయంత్రానికి శ్రీమంతుడు టీజర్ 887, 591 వీక్షకులు చూశారు. ఇది ఒక గంట గంటకూ పెరుగుతూనే ఉంది.  బాహుబలి టీజర్ తో పోల్చితే  మహేష్ బాబు శ్రీమంతుడు టీజర్ చరిత్ర సృష్టిస్తోంది. ప్రేక్షకుల రెస్పాన్స్ ఊహించని విధంగా ఉంది.

ఈ సినిమాలో హర్ష పాత్రలో మహేష్ బాబు ఓ మిలియనీర్ గా నటిస్తున్నాడు. అసలే అందగాడు ఆయన అందం వయసు పెరుగుతున్నా కొద్దీ మరింత పెరుగుతోందా అన్నట్టు ఈ సినిమాలో కనిపిస్తున్నాడు. సినిమాలో డైలాగులు కూడా చాలా ప్రేక్షకులను విపరీతంగా ఆకట్టుకుంటున్నాయి. శ్రీమంతుడు సినిమా జులై 17న రిలీజ్ అవుతోంది.  బాహుబలి సినిమా కోసం ఎదురు చూడ్డం అనేది కనిపించే, వినిపించే దృశ్యం అయితే.... హడావుడి కనిపించని ప్రేక్షకులు మహేష్ బాబు సినిమాకూ చాలా పెద్ద స్థాయిలో ఉన్నారనేది టీజర్ ను బట్టి తెలుస్తోంది.