విభిన్న పాత్రల్లో నటించి అభిమానుల మన్ననలు పొందుతోంది. విద్యా బాలన్. ‘డర్టీ’ సినిమాలో ఓ వ్యాంపుగా నటించి పెద్ద సాహసం చేసిన్పటికీ ఆమె మీద గౌరవం పెరిగింది. అభిమానుల పరంపర ఇంకా ఎక్కువైంది. అయితే ఇప్పుడు విద్యా బాలన్ మరో శక్తివంతమైన పాత్రను పోషించనుంది. భారత రాజకీయాల్లో తన కంటూ ప్రత్యేక పేరు సంపాదించుకున్న నేత ఇందిరా గాంధీ. ఇప్పుడు ఈ పాత్రను వెండితెర మీద పోషించేందుకు రెడీ అవుతోంది విద్యాబాలన్.ఇందిరాగాంధీ జీవిత చరిత్ర ఆధారంగా మనీష్ గుప్తా దర్శకత్వంలో ఈ చిత్రం తెరకెక్కనుంది. కథ ఇప్పటికే సిద్ధమైనట్టు సమాచారం. ఇందిర పాత్రం కోసం చాలా మంది నటీమణులను సంప్రదించినా.. చివరికి విద్యాబాలన్ వైపే దర్శకుడునిర్మాత మొగ్గు చూపారట. చాలా ప్రతిష్టాత్మక పాత్రం కాబట్టి.. వివాదాలు చుట్టుముట్టే అవకాశాలు ఉండడంతో ఈ క్యారెక్టర్ పోషించాలా... వద్దా... అనే సందిగ్ధంలో పడిందట విద్య. అయితే స్క్రిప్టు పూర్తిగా నచ్చడంతో ఈ పాత్రలో నటించేందుకు ఓకే చెప్పిందట. ఇకఈ సినిమా విషయంలో వివాదాలు చెలరేగే అవకాశముంటుందని గ్రహించిన ఈ సినిమా బృందం ముందుగానే గాంధీ కుటుంబం నుంచి అనుమతి తీసుకోవాలని భావిస్తోందట.
.jpg)
