చిరంజీవితో పోటీకొస్తున్న రెబల్ హీరోయిన్

ఒకప్పటి తెలుగు రెబల్ హీరోయిన్ విజయశాంతి త్వరలో మళ్లీ వెండితెరపై రీ ఎంట్రీ ఇవ్వబోతోంది. గత కొన్నేళ్లుగా రాజకీయాలతో బిజీగా ఉండటం, ఆపై అనారోగ్యానికి గురి కావడం వంటి కారణాలతో సినిమాలకు దూరంగా ఉన్న ఆమె త్వరలో మళ్లీ ముఖానికి మేకప్ వేసుకుంటుందట.  తాను మళ్లీ సినిమాల్లోకి రాబోతున్నట్టు  తనే స్వయంగా ప్రకటించింది. ప్రస్తుతం ఆమె ఆరోగ్యం బాగుందనీ, త్వరలో తానో దేశభక్తికి సంబంధించిన కథతో ప్రేక్షకుల ముందుకు వస్తున్నట్లు ఆమె తెలిపారు. ఈ సినిమాను తనే స్వయంగా నిర్మించుకునే అవకాశం ఉన్నట్టు తెలుస్తోంది. ప్రస్తుతం ఆమె కథలు వింటూ బిజీగా ఉన్నారు. అయితే సినిమా ఎప్పుడు వస్తుంది అనే విషయానికి ఆమె సమాధానం ఇస్తూ చిరంజీవి 150వ సినిమా, తన సినిమా ఒకేసారి విడుదలయ్యే అవకాశం ఉందని చెప్పుకొచ్చారు. ఒకప్పుడు వీరిద్దరి కాంబినేషన్లో మంచి హిట్లిచ్చారు. విజయశాంతి లేడీ ఓరియెంటెడ్ సినిమాలు మొదలు పెట్టడంతో ఈ ఇరువురూ కలిసి నటించడం తగ్గిపోయింది. ఒక హీరోయిన్ కు హీరో ఇమేజ్ వచ్చిందంటే, తమ హీరో ఇమేజ్ కు డామేజ్ అవుతుందనే కారణంతో ఆమెతో నటించడానికి పెద్ద హీరోలు ఇష్టపడవారు కాదు. ఆమె సినిమాల్లో హీరో హీరోయిన్ రెండూ ఆమే అయి నటించారు. అప్పట్లో చాలా హిట్ సినిమాలు చేశారు విజయశాంతి. ఇప్పుడు మళ్ళీ ఓ దేశ భక్తి సినిమాతో తెరమీదకు వచ్చి ఎంత హిట్ ఇవ్వగలదో చూద్దాం...