‘ఇంట్లో ఇల్లాలు`వంటింట్లో ప్రియురాలు’, ‘సాహసబాలుడు`విచిత్రకోతి’ వంటి చిత్రాల్లో బాలనటుడిగా నటించి మెప్పించిన ప్రముఖ నిర్మాత ‘సింధూరపువ్వు’ కృష్ణారెడ్డి తనయుడు నాగ అన్వేష్‌ ఇప్పుడు యంగ్‌ అండ్‌ ఎనర్జిటిక్‌ హీరోగా ‘వినవయ్యా రామయ్యా’ చిత్రంతో తెలుగు తెరకు పరిచయమవుతున్నాడు. సరస్వతి ఫిలిమ్స్‌ బ్యానర్‌పై అత్యంత ప్రతిష్టాత్మకంగా నిర్మించిన ‘వినవయ్యా రామయ్యా’ చిత్రం ఈ నెల 19న వరల్డ్‌వైగా విడుదలవుతుంది. ఈ చిత్రం సెన్సార్ కార్యక్రమాలను పూర్తి చేసుకుని ‘యు/ఎ’ సర్టిఫికేట్‌ను పొందింది. నాగఅన్వేష్‌ నటన చాలా బావుంది. నాగఅన్వేష్‌ డాన్సులు, ఫైట్స్‌ బాగా చేశాడు. క్లయిమాక్స్‌ చాలా బాగా ఉంది. నాగఅన్వేష్‌ తొలి సినిమా అయినప్పటికీ మంచి అనుభవమున్న హీరోలా నటించాడని సెన్సార్ సభ్యులు ప్రశంసించారని చిత్రయూనిట్‌ తెలియజేసింది. ప్రముఖ సంగీత దర్శకుడు అనూప్‌ సంగీతం అందించిన ఈ సినిమా ఆడియో, థియేట్రికల్‌ ట్రైలర్‌ ఇటీవల విడుదలైంది. ఈ ఆడియో, ట్రైలర్‌లకు ట్రెమండస్‌ రెస్పాన్స్‌ వచ్చింది.
ఈ చిత్రాన్ని నిర్మాత ‘సింధూరపువ్వు’ కృష్ణారెడ్డి అత్యంత భారీ నిర్మాణ విలువలతో నిర్మించారు. నాగ అన్వేష్‌ సరసన ‘దృశ్యం’ ఫేమ్‌ కృతిక హీరోయిన్‌గా నటించింది. ప్రకాష్‌రాజ్‌, బ్రహ్మానందం,అలీ, సప్తగిరి, నరేష్‌, తులసి, రమాప్రభ, చలపతిరావు, రామరాజు వంటి ఎంతో మంది సీనియర్‌ నటీనటులు ఈ చిత్రంలో నటించారు. నేటి సెన్సేషనల్‌ డైరెక్టర్‌ అనూప్‌, ఫేమస్‌ సినిమాటోగ్రాఫర్‌ రసూల్‌ ఎల్లోర్‌ కెమెరావర్క్‌ సినిమాకే హైలైట్‌ అవుతుందని చిత్ర యూనిట్‌ ధీమాను వ్యక్తం చేశారు. ‘చిరునవ్వుతో’ ఫేమ్‌ జి.రామ్‌ప్రసాద్‌ దర్శకత్వం వహించారు.
విడుదలకు ముందే ఈ చిత్రం మీద ప్రేక్షకులకు ఎక్స్‌పెక్టేషన్స్‌ మంచి రేంజ్‌లో ఉన్నాయి.
.jpg)
