త్రిష అందంపై తమిళ హాస్య నటుడు వివేక్‌ సూపర్‌ కాంప్లిమెంట్‌ ఇచ్చేశాడు. త్రిష ప్రస్తుతం అజిత్‌ హీరోగా గౌతమ్‌ మీనన్‌ దర్శకత్వంలో రూపొందుతున్న ‘ఎన్నై అరిందాల్‌’ చిత్రంలో నటిస్తోంది. ఇందులో వివేక్‌ కూడా కీలక పాత్ర పోషిస్తున్నాడు. తాజాగా ఈ నటుడు త్రిష అందం గురించి చెబుతూ, ‘‘ఇప్పటి వరకు త్రిషతో కలసి నేను నటించిన అన్ని సినిమాలలోకీ ఈ ‘ఎన్నై అరిందాల్‌’ సినిమాలో త్రిష సౌందర్యరాశిగా కనిపిస్తుంది. త్రిష తొలి సినిమా ‘లేసా లేసా’లో కూడా నేను నటించాను. అప్పుడెలా కనిపించిందో ఇప్పటికీ అదే అందం ఆమెలో తొణికిసలాడుతోంది’’ అంటూ కాంప్లిమెంట్‌ చేస్తున్నాడు. దీంతో ఈ చెన్నై చిన్నది చాలా హ్యాపీగా ఉంది. అంతేకాదు.. వివేక్‌ మంచి మనసుకు థ్యాంక్స్‌ కూడా చెప్పింది.
.jpg)
