యూత్ ను పడగొట్టే కేరింత ఫస్ట్ లుక్

సినిమా అంటే అందులో ఒక మెసేజ్, కథ, తీసే విధానం కరెక్టుగా ఉంటే తప్పక విజయం సాధిస్తుందని కొందరు దర్శకులు, కొత్త నటీనటులతో చేసి నిరూపించారు కూడా. అదే కోవలోకి చెందినదే 'వినాయకుడు' సినిమా. ఈ హీరోని చూశారుగా... అంటే హీరో ఇలా ఉన్నా సినిమా తీసి సక్సెస్ చేయొచ్చనే కాన్ఫిడెన్స్ ఉన్న దర్శకుడు సాయి కిరణ్ అడవి. ఆయన కొత్త చిత్రమే 'కేరింత'. ఇక ఈయనకు తోడైన నిర్మాత దిల్ రాజు ఈయన కూడా సినిమా అంటే పెద్ద హీరోనే ఉండాలి... హీరోయిన్ అందచందాలు చూపించాలి అనే నియమాలేమీ పెట్టుకోని నిర్మాత. ఈ ఇద్దరి కాంబినేషనే ఎమ్ ఎస్ రాజు కుమారుడు సుమంత్ అశ్విన్ తో తీసినదే ఈ కేరింత సినిమా. దీని ఫస్ట్ లుక్ విడుదలై, యూత్ ను ఎట్రాక్టివ్ చేస్తోంది. ఆర్య, బొమ్మరిల్లు, కొత్త బంగారులోకం లాగా ఈ చిత్రం ఉంటుందని దిల్ రాజు చెప్తున్నారు. శ్రీ వెంకటేశ్వర క్రియేషన్స్, మై డ్రీం సినిమా బ్యానర్ ఫై దిల్ రాజు, సాయి కిరణ్ అడవి సంయుక్తంగా ఈ చిత్రాన్ని నిర్మిస్తున్నారు. ఈ చిత్రానికి సంగీతాన్ని మిక్కి జే మేయర్ అందిస్తుండగా, ముగ్గురు అబ్బాయిలు, ఇద్దరమ్మాయిలు ఇందులో నటిస్తున్నారు. అందరూ కొత్త వాళ్ళే... ఇక ఫస్ట్ లుక్ చూస్తుంటే... కాలేజీ అమ్మాయిలు అబ్బాయిలు విడుదలకు ముందే సినిమా టికెట్లు బుక్ చేసుకోకుండా ఉండగలరా? అందులో యువ హీరో సుమంత్ అశ్విన్ అంటే... ఇప్పుడు అమ్మాయిలు పడిచస్తున్నారాయె....