హర్యానాలోని మంగళవారం ఉదయం ఘోర రైలు ప్రమాదం సంభవించింది. పల్వల్ సమీపంలో లోకమాన్య తిలక్ ఎక్స్ ప్రెస్, ఈఎంయూ రైళ్లు ఢీకొన్నాయి. ఈ ప్రమాదంలో ఈఎంయూ డ్రైవర్ అక్కడికక్కడే చనిపోయాడు. దట్టమైన పొగమంచు సిగ్నలింగ్ సరిగ్గా కనపడకపోవటంతోనే ఈ ఘటన జరిగినట్టు ప్రాథమిక సమాచారం. తాజాగా అందుతున్న సమాచారం ప్రకారం ఘటనలో 100 మందికి పైగా గాయపడినట్లు తెలుస్తోంది. గాయపడిన వారిలో చాలా మంది పరిస్థితి విషమంగా ఉన్నట్టు సమాచారం. ఘటనా స్థలికి చేరుకుంటున్న అధికారులు, పోలీసులు సహాయక చర్యలను ప్రారంభించారు. ఈ ఘటనపై మరిన్ని వివరాలు తెలియాల్సి ఉంది.
.jpg)
