ప్రపంచకప్ సమరంలో భాగంగా జింబాబ్వేతో జరుగుతున్న మ్యాచ్ లో యూఏఈ భారీ స్కోర్ సాధించింది. యమాన్ అన్వర్ అర్థ సెంచరీకి తోడు ఖుర్రమ్ ఖాన్ రాణించడంతో భారీ స్కోరు నమోదుచేసింది. టాస్ ఓడిపోయి ముందుగా బ్యాటింగ్ చేసిన యూఏఈ 50 ఓవర్లలో 7 వికెట్లు కోల్పోయి 285 పరుగులు చేసింది. జింబాబ్వే ముందు 286 పరుగుల లక్ష్యాన్ని ఉంచింది. షయమాన్ అన్వర్ 50 బంతుల్లో 9 ఫోర్లు, సిక్సర్ తో 67 పరుగులుచేశాడు. ఖుర్రమ్ ఖాన్ 45, కృష్ణ చంద్రన్ 34, పాటిల్ 32, బెరెన్జర్ 22, అమ్జదాద్ అలీ 7, ముస్తఫా 4 పరుగులు చేసి అవు టయ్యారు. చివర్లో జావేద్(25), నవీద్(23) వేగంగా ఆడడంతో యూఏఈ భారీ స్కోరు సాధించింది. వీరిద్దరూ 8వ వికెట్ కు 32 బంతుల్లో 50 పరుగులు జోడించారు. జింబాబ్వే బౌలర్లలో ఛతారా 3 వికెట్లు పడగొట్టాడు. మిరె, విలియమ్స్ రెండేసి వికెట్లు తీశారు.
.jpg)
