జంబలకిడి పంబ అక్కడ నిజంగానేనట!

నరేష్ హీరోగా ఇవివి దర్శకత్వంలో వచ్చిన చిత్రం జంబలకిడి పంబ గుర్తుందా? ఆ చిత్రంలో ఆడాళ్లపై జరిగే హింస చూడలేక హీరోయిన్ ఓ మాతాజీ ఇచ్చిన జంబలకిడి పంబ పానీయంతో మొత్తం వైజాగ్ లో అల్లకల్లోలం సృష్టించి పారేస్తుంది. ఆడవాళ్లు మగవాళ్లుగా, మగాళ్లు ఆడాళ్లుగా మారి జరిగే ఘటనలతో హస్యం పండించారు ఇవివి. అది ఓ ట్రెండ్ సెట్ మూవీ. అయితే ఇప్పుడు సరిగ్గా అలాంటిదే అక్కడ చోబుచేసుకుంటుంది. నిజంగానే... ఆడపిల్ల.. ఉన్నట్టుండి మగ పిల్లవాడైపోతే... ఇంకేముంది, కలకలమే కదా? అక్కడే అదే జరుగుతోంది. ఎందుకంటే, పుట్టే బిడ్డల్లో జన్యులోపం కారణంగా సహజసిద్ధంగానే జెండర్ మారిపోతోంది. దీంతో పిల్లల తల్లిదండ్రులు లబోదిబోమంటున్నారు.

కరేబియన్ దీవుల్లోని డొమినికన్ రిపబ్లిక్ లో ఈ వింత చోటుచేసుకుంటోంది. అక్కడ పుట్టిన ఆడపిల్లలకు 12 సంవత్సరాలు రాగానే మగపిల్లలుగా మారిపోతారు. అప్పటిదాకా ఆడపిల్లగా ఉన్న వారికి సడన్ గా పురుషాంగం పుట్టుకొచ్చేస్తుంది.  ఎందుకట్లా జరుగుతోందంటే... బిడ్డ తల్లిగర్భంలో ఉన్నప్పుడు ఎంజైమ్ లోపం కారణంగా మగబిడ్డగా పుట్టాల్సింది ఆడశిశువుగా పుడుతుంది.
ఆడపిల్లగా పుట్టిన వారిలో డీ హైడ్రో టెస్టోస్టిరాన్ హర్మోన్ కారణంగా వారికి 12 సంవత్సరాల వయస్సు రాగానే మగపిల్లలైపోతారు. ఆడపిల్లలు మగపిల్లలుగా మారడాన్ని శాస్త్ర పరిభాషలో 'గెవెడాసెస్' అని పిలుస్తారని వైద్యులు చెబుతున్నారు. ఇక డొమెనిక్ రిపబ్లిక్ లో ఎంతమంది ఆడపిల్లలు మగపిల్లలుగా మారుతున్నారనే విషయాని కొస్తే, ప్రతి 90 మందిలో ఒకరు ఇలా మారిపోతున్నారు. సాలినాస్ పట్టణంలో అయితే ప్రతి 90 మందిలో ఇద్దరు ఆడ శిశువులుగా పుట్టి తమ 12వ సంవత్సరంలో మగబిడ్డలుగా మారిపోతున్నారు. ఇటువంటి సంఘటన మొట్టమొదటిసారి 1970లో వెలుగుచూసిందని డాక్టర్ మైఖేల్ మోస్లే తెలిపారు.