ఒకరిది ఆకలి ఆరాటం... మరోకరిది బతుకు పోరాటం. గంట సేపు భీకరంగా తలబడ్డాయి. జాంబియాలోని దక్షిణా లాంగ్వా జాతీయ పార్కులో జరిగిన ఈ ఘటన వీడియో ఇఫ్పుడు అంతర్జాలంలో హాల్ చల్ చేస్తోంది. బాగా ఆకలితో ఉన్న సింహం ఒకటి ఆ పక్కనే ఉన్న గేదెల గుంపుపై దాడి చేసింది. గేదెలన్నీ పారిపోగా పాపం ఒకటి మాత్రం దానికి చిక్కింది. అయితే ప్రాణాలు కాపాడుకునేందుకు ప్రయత్నించటం మానేసిన ఈ గేదె ఏకంగా సింహంతో పోరుకే సై అంది. ఈ పోరులో సింహం తన పంజాతో దాడిచేయగా, తానేం తక్కువ కాదంటూ గేదె తన పదునైన కొమ్ములతో విరుచుకుపడింది. ఈ పోరాటం దాదాపు గంటపాటు సాగింది. చివరకు తోక ముడిచిన సింహం తీవ్ర గాయాలతో పక్కనే ఉన్న పొదల్లోకి పరుగుతీసింది. పార్కులో సఫారీ గైడ్ గా పనిచేసే 25 ఏళ్ల ఆర్మ్ స్ట్రాంగ్ ఈ పోరాట ద్రుశ్యాలను కెమెరాలలో బంధించాడు. తన జీవితంలో ఇలాంటి సన్నివేశాన్ని ఎప్పుడు చూడలేదని అతను చెబుతున్నాడు. అయితే తీవ్రంగా గాయపడిన సింహం, తీవ్రంగా రక్తస్రావం అయిన గేదె రెండిటి ప్రాణాలు రెండు రోజుల తర్వాత గాలిలో కలిసిపోయాయట.
.jpg)
