యోగా గురువు బాబా రాందేవ్ పై మరోమారు వివాదం చెలరేగింది. ఆయనకు సంబంధించి పతంజలి ఫార్మసీ ద్వారా లభిస్తున్న దివ్య పుత్రజీవక్ సీడ్ మందును వాడితే, మగ బిడ్డలు పుట్టడం ఖాయమేనన్న ప్రచారం జోరుగా సాగటం ఇప్పుడ చర్చనీయాంశమైంది. ఈ మందుతో సంతాన సమస్యలు తొలగి, పండంటి మగబిడ్డ పుడతాడని రాందేవ్ నుంచి సందేశం వచ్చిందని ఢిల్లీలోని రాందేవ్ మెడికల్ స్టోర్ లో పనిచేస్తున్న డాక్టర్ శ్యాంసుందర్ గురువారం ఓ జాతీయ మీడియా ఛానెల్ కిచ్చిన ఇంటర్వ్యూలో చెప్పాడు. ఈ మందు వల్లే తమకు మగబిడ్డ పుట్టాడని కొంతమంది వ్యక్తులు ఇతరులకు చెబుతున్నారని ఆయన పేర్కొన్నారు. దీంతో ఈ మందు విపరీతంగా అమ్ముడుపోతుంది. ముఖ్యంగా హర్యానాలో ఈ మందుకు ఫుల్లు గిరాకీ ఉందట. ఆ రాష్ట్రంలో ఇప్పుడు మందు అసలు దొరకట్లేదని సమాచారం. ఇదిలా ఉంటే, ఈ మందులో ఎలాంటి శాస్త్రీయత లేదని, దీని వల్ల మగ సంతానం కలుగుతుందన్న గ్యారెంటీ లేదని వైద్యులు చెబుతున్నారు. అయితే రూ.35 లే కావటంతో జనం ఎగబడి కొంటున్నారేమో అని వారు ఛలోక్తులు పేలుస్తున్నారు. ఇదేమో పైత్యమో ఏమో.
.jpg)
