ఎరక్క పోయి వచ్చి ఇరుక్కుపోయినట్లు అయ్యింది ఆ పులి పరిస్థితి. పాపం దారి తప్పిన ఓ చిరుత ఆ ఊర్లోకి వచ్చింది. దప్పికతో ఓ ఇంటి ముందు ఉన్న బిందెలో నీళ్ల కోసం తలదూర్చింది. అంతే... కట్ చేస్తే చిరుతకి కష్టాలు మొదలయ్యాయి. పులి కాస్త పిల్లిలా మారి గంతులేసింది. నీళ్లు తాగకపోగా, తల బయటకు రాక పిచ్చిపట్టినట్లు పరిగెత్తింది. ఈ సంఘటన రాజస్థాన్ లోని సమంద్ జిల్లాలో జరిగింది.
చిరుత పులిగాండ్రింపులు వినబడుతుండటంతో ఆ ఇంట్లో వారితో పాటు, స్థానికులు కూడా అక్కడికి చేరుకున్నారు. బిందెలో తల ఇరుక్కుపోయిన చిరుతను చూసి వారు ఆశ్చర్యానికి గురయ్యారు. పోనీ, ఎవరైనా ధైర్యం చేసి ఆ బిందెను తొలగిస్తారేమో అనుకుంటే, అంత సాహసం ఎవరూ చేయలేక, చివరకు, అటవీ శాఖాధికారులకు సమాచారం అందించారు. వారొచ్చి దానికి మత్తు మందు ఇచ్చి పాపం బయటికి తీశారట. అనంతరం దాన్ని సమీపంలోని అడవి వద్ద వదిలేసినట్లు అధికారులు తెలిపారు.
.jpg)
