ఆటో డ్రైవర్ పై అత్యాచార యత్నం, ఒక మహిళ అరెస్ట్

దేశ రాజధాని ఢిల్లీ అత్యాచారాలకు, అఘాయిత్యాలకు నెలవుగా మారిందన్న విమర్శలు ఎప్పటినుంచో ఉన్నాయి. ఆడవాళ్ల మాన, ప్రాణాలకు అక్కడ అంత రక్షణ లేదని ప్రజల్లో బలంగా నాటుకుపోయింది. అయితే జంబలకిడి పంబ లెవల్లో ఓ మగాడిపైనే అత్యాచార యత్నం జరిగితే... అవునండీ... సరిగ్గా ఢిల్లీలో అలాంటి ఘటన ఒకటి చోటుచేసుకుంది. ఒక ఆటో డ్రైవర్ పై ఓ మహిళ అత్యాచార యత్నం చేయటం ఇప్పుడు సంచలనంగా మారింది. వివరాళ్లోకి వెళ్లితే.. ఢిల్లీలోని సాకేత్ నుంచి అర్జున్ నగర్ లోని తన నివాసానికి ఓ మహిళ ఆటోను మాట్లాడుకుంది. అడ్రస్ కి చేరాక డబ్బులు ఇంట్లో ఉన్నాయని చెప్పగా, ఆ ఆటోవాలా ఆమె వెంట వెళ్లాడు. ఇంట్లోకి వెళ్లిన అతనికి మొదట మద్యం ఆఫర్ చేసిన మహిళ ఆ తర్వాత అతనిపై అఘాయిత్యానికి పాల్పడింది. అతన్ని లాగి బట్టలు చింపేసి రేప్ చేయబోయింది. ఇక్కడ మరో ట్విస్ట్ ఏంటంటే.. మరో మహిళ ఆ తతంగాన్ని కెమెరాతో షూట్ చెయ్యటం. దీంతో  తన శీలాన్ని కాపాడుకునే ప్రయత్నంలో ఆ డ్రైవర్ మేడ మీద నుంచి దూకేశాడు. దీంతో అతని రెండు కాళ్లు విరిగాయి.  అనంతరం పోలీసులకు ఫిర్యాదు చెయ్యగా వారొచ్చి ఆ ఫ్లాట్ లో తనీఖీలు నిర్వహించారు. అక్కడ వారికి అనుకొని షాక్ లు తగిలాయట. కొన్ని ఆటో డ్రైవర్ల బ్యాడ్జీలు.. లైసెన్స్ లు దొరకటం గమనార్హం. ఇక ఈ వ్యవహారంలో ఓ మహిళను అరెస్ట్ చెయ్యగా, మరోకరు తప్పించుకున్నారు. అసలు ఈ  వ్యవహారం వెనుక ఉన్న మొత్తం కథేంటో తేలాల్సి ఉంది.