హాట్ టాపిక్... హైలెట్... లోకేష్ బాబునే!

ప్రతీ యేడు లాగే ఈ ఏడాది కూడా తెలుగుదేశం పార్టీ మహానాడును ఘనంగా నిర్వహిస్తున్న సంగతి తెలిసిందే. గండిపేట వెళ్లే దారులన్నీ ప్రస్తుతం పసుపు మయంతో కళ కళ లాడిపోతున్నాయి. ముఖ్యంగా అక్కడ (ఏపీ) అధికారంలోకి వచ్చాక జరుపుకుంటున్న తొలి పండగ కావటంతో  పార్టీ శ్రేణులు ఉత్సహాంతో ఉన్నాయి. అదే సమయంలో అందరి దృష్టీ ఇప్పుడు ఒకే అంశంపై నడుస్తోంది. అదే పార్టీ యువనేత నారా లోకేష్ కు కీలక బాధ్యతలు అప్పగించే అంశం. ఈ మహానాడు ముగిసే లోపల నారా లోకేష్ ను అధినేత చంద్రబాబు కీలక పదవిలో కూర్చోబెడతాడని టాక్ వినిపిస్తోంది. ఈ విషయమై సీనియర్ నేత ఉమామహేశ్వరావును కదిలిస్తే... లోకేష్ ఏ పదవికైనా సమర్థుడు. యాక్టర్ కొడుకు యాక్టర్, డాక్టర్ కొడుకు డాక్టర్ కావాలని కొరుకుంటున్న ఈ రోజుల్లో యాక్టివ్ గా ఉన్న లోకేష్ కూడా పార్టీలో కీలక బాధ్యతలు అప్పగించటంలో తప్పులేదని లాజిక్ గా చెబుతున్నారు. నారా లోకేష్ కు కీలక బాధ్యతలు అప్పగించాలని తానోక్కడినే కాదని, కార్యకర్తలు కూడా అదే కొరుకుంటున్నారని ఆయన అన్నారు. ఇక మరోవైపు పరిటాల శ్రీరామ్ లాంటి వాళ్లు కూడా లోకేష్ కు పెద్ద పదవి కట్టబెట్టాలని కొరుకుంటున్నారు. లోకేష్ ఎలాంటి పదవికైనా సమర్థుడని మహానాడులో తెలిపాడు. ఇక ప్రస్తుత పరిణాలమాలను గమనిస్తే ఈ మహానాడు ముగిసే లోపు నారా లోకేష్ కు కీలక బాధ్యతలు కట్టబెట్టడం తథ్యంగా కనిపిస్తోంది.