ప్రముఖ నటుడు, జనసేన పార్టీ అధినేత పవన్ కళ్యాణ్ ట్విట్టర్ వేదికగా మరోమారు మాటల తూటాలు పేల్చారు. ఈసారి కాంగ్రెస్ పార్టీపై ఆయన విమర్శలు చేశారు. 5 కోట్ల ఆంధ్రుల ప్రధాన సమస్య అయిన ప్రత్యేక హోదా పట్టని కాంగ్రెస్ పార్టీ ఒక్క లలిత్ మోదీ అంశాన్ని అస్త్రంగా చేసుకుని అధికార బీజేపీపై పోరుకు దిగిందని ఆయన నిందించారు. ‘‘కాంగ్రెస్ అంటే నాకు ప్రేమ. ఆ పార్టీని ఆరాధిస్తున్నాను. ఎందుకంటే, ఒక్క లలిత్ మోదీ అంశంపై ఆ పార్టీ బీజేపీపై పోరు సాగిస్తోంది. 50 మిలియన్ల ప్రజలకు ఇచ్చిన ఏపీ ప్రత్యేక హోదా హామీ కోసం సాగించాల్సిన పోరు కంటే ఆ పార్టీకి లలిత్ మోదీ అంశమే ప్రధానమైంది. ఈ విషయంలో కాంగ్రెస్ ను ప్రస్తుతించండి’ అంటూ పవన్ కళ్యాణ్ కాంగ్రెస్ పార్టీపై వ్యంగ్యాస్త్రాలు సంధించారు. ప్రత్యేక హోదాపై ఇప్పటిదాకా అధికార, ప్రతిపక్షాలను కడిగిపాడేసిన పవన్ ఇప్పడిలా అన్నయ్య చిరంజీవి ఉన్న పార్టీపై పడటం రాజకీయ వర్గాల్లో ఆసక్తికర చర్చగా మారింది.
.jpg)
