టీ టీడీపీ నేత రేవంత్ రెడ్డి విడుదల సందర్భంగా ఆహ్వానం పలికేందుకు ర్యాలీగా వెళ్లేందుకు ఓ మహిళ బృందానికి చేదు అనుభవం ఎదురైంది. చర్లపల్లి జైలుకు ఓ వాహనంలో వెళ్తున్న వారిని పోలీసులు అడ్డగించి మధ్యలో ఆపి దిగిపొమ్మన్నారట. దీంతో వారికి నేతృత్వం వహిస్తున్న మహిళా నేత ఆగ్రహంతో ఊగిపోయారు. పోలీసులను, టీ ప్రభుత్వంపై ఓ రేంజ్ లో విరుచుకుపడ్డారు. మహిళలని చూడకుండా పోలీసులు ఇలా వ్యవహరిస్తారా? ఈ దారిలో మమల్ని నడుచుకుంటూ వెళ్లమంటారా? ఈ ప్రభుత్వానికి టీడీపీ ని ఎదుర్కునే దమ్ము లేదంటూ ఎగిరిపడింది. అంతటితో ఆగక నోరు జారి మేమేం గాజులు తొడుక్కుని కూర్చోలేదు అంటూ మీడియా ముందు రెచ్చిపోయిందట. మహిళనే కదా, అలా ఆ డైలాగ్ కొట్టే సరికి మీడియా వాళ్లు నవ్వు ఆపుకోలేకపోయారట. దాంతో తేరుకున్న ఆమెకి విషయం అర్థమై నెమ్మదిగా జారుకుందట. అన్నట్టు సినీ నటి జయసుధ కూడా మా ఎన్నికల సమయంలో ఇలాంటి కామెంటే చేసి నాలుక కరుచుకున్నారు. మగాళ్లు ఈ డైలాగ్ కొట్టారంటే ఓ అర్థం. మరి మహిళ అయి ఈ డైలాగ్ వేయటం... ఏమిటో?
.jpg)
