సందు దొరికితే చాలు టీడీపీ అధినేత, ఏపీ సీఎం చంద్రబాబు నాయుడిపై ప్రతిపక్ష వైకపా నేత, ఫైర్ బ్రాండ్ ఎమ్మెల్యే రోజా విరుచుకుపడుతున్న సంగతి తెలిసిందే. తాజాగా ఆమె మరోసారి సీన్ ని రిపీట్ చేశారు. నిత్యం సింగపూర్, మలేషియా టూర్లంటూ తిరిగే చంద్రబాబుకు రాష్ట్ర ప్రజల సమస్యలు ఎలా అర్థమవుతాయని ఆమె మండిపడ్డారు. బుధవారం విశాఖ పర్యటనకు వచ్చిన ఆమె మీడియాతో మాట్లాడుతూ... అసలు బాబు సింగపూర్, మలేషియా, చైనాల్లో ఎందుకు పర్యటిస్తున్నారో ఆపార్టీ నేతలకే అర్థం కావటం లేదని రోజా వ్యాఖ్యానించారు. విదేశీ టూర్లు ఆపి ఒక్కసారి ప్రజల వైపు చూస్తే వారి సమస్యలు అర్థమవుతాయని ఆమె సూచించారు. రాష్ట్రంలో మహిళలు ఎదుర్కొంటున్న సమస్యలు, బెల్టు షాపులపై వైసీపీ పోరాటం కొనసాగిస్తుందని ఈ సందర్భంగా ఆమె చెప్పారు.
.jpg)
